Նոր տարվա գիշեր
Թե աշխարհում փակ դռներ կան,
թող որ բացվեն այս գիշեր,
Ու Նոր տարին նոր խնդությամբ
թող ներս մտնի այս գիշեր,
Թե կան դատարկ, համր տներ`
մանկան ճիչով թող լցվեն,
Ով փնտրում է սրտանց մեկին`
հանկարծ գտնի այս գիշեր:
Թե կան լացող, տխուր աչքեր,
թող ծիծաղեն այս գիշեր,
Կանչող ձեռքերն իրար հասնեն,
հրաշք ապրեն այս գիշեր:
Թե կան սրտեր` չար նախանձով,
դառնան բարի ու ներող,
Եվ ուրիշի ուրախ կյանքով
խանդավառվեն այս գիշեր:
Անծանոթ բառեր
խնդությամբ — Բերկրություն, խինդ, ուրախություն:
համր — Խոսելու ունակությունից զուրկ:
ճիչով — Սուր և բարձր աղաղակ՝ բացականչություն։
😴Ալեք Ֆրանգյանի բլոգ😴 